FotoJet-8-14.jpg

کاروباری علاقوں میں شام سے رات 10بجے تک لوڈشیڈنگ نہ کرنے کا فیصلہ

حیدرآباد میں کاروباری علاقوں میں لوڈشیڈنگ نہ کرنے کا فیصلہ کیا گیا ہے۔

تفصیلات کے مطابق حیسکو اور تاجروں کے درمیان کاروباری علاقوں میں بجلی کی فراہمی یقینی بنانے اور حکومتی فیصلے پر عمل کرنے پراتفاق ہوگیا ہے۔

اس معاہدے کے مطابق شام 4 بجے سے رات 10 بجے تک کاروباری علاقوں میں لوڈشیڈنگ نہیں ہوگی۔

اس کے علاوہ حکومت کی جانب سے رات 10 بجے کاروبار بند کرنے کے احکامات پر تاجروں نے اتفاق کرلیا ہے۔

شام سے رات کاروبار بند ہونے تک حیسکو کاروباری علاقوں میں لوڈشیڈنگ نہیں کرے گی جس سے کاروبار اچھے انداز میں چل سکے گا۔

خیال رہے کہ اس سے قبل سندھ حکومت کی جانب سے توانائی کے بحران سے نمٹنے کے لئے تمام کاروباری مراکز رات 9 بجے بند کرنے کا اعلان کیا گیا تھا۔

اعلان کے مطابق بیکری، دودھ دہی کی دکانیں، فارمیسی کو اس فیصلے سے استثنیٰ دیا گیا تھا۔



Source link